Нүүдлийн шувууд болон тэдгээрийн амьдрах орчныг хамгаалах, шувуудын талаарх олон нийтийн мэдлэг, экологийн боловсролыг дээшлүүлэх, байгаль орчноо хайрлан хамгаалах зорилгоор “Дэлхийн нүүдлийн шувуудын өдөр”-ийг 2006 оноос хойш тавдугаар сарын хоёр дахь долоо хоногийн Бямба, Ням гарагт дэлхий нийтээр тэмдэглэн ирсэн билээ.  Дэлхийн нүүдлийн шувуудын өдрийг 2019 онд “Хуванцар хог хаягдлыг нүүдлийн шувуудад сөрөг нөлөөгүй шийдвэрлэх” уриаг дор тэмдэглэн өнгөрүүлж байна. Дарьгангын БЦГ-ын хамгаалалтын захиргаанаас Дэлхийн нүүдлийн шувууны өдрийг олон нийтэд сурталчилан таниулах зорилгоор ЕБС-ын суралцагчдын дунд “Нүүдлийн шувууд” хүүхдийн гар зургийн уралдааныг 5-8 дугаар ангийн хүүхдүүдийн дунд амжилттай зохион байгууллаа. Энэхүү гар зургийн уралдаанд нийт 15 хүүхэд оролцсоноос  тэргүүн байранд Дарьганга сумын ЕБС-ын 5б ангийн сурагч Г.Галбадрах, Дэд байрыг 5б ангийн сурагч Х. Даваа-Эрдэнэ, Гутгаар байрыг 8а ангийн сурагч Ц.Мөнхсоёл, Тусгай байрыг 5б ангийн сурагч У. Хүсэл-Эрдэнэ нарын зураг шалгарч олон улсын хүүхдийн эрхийг хамгаалах баярын үйл ажиллагааны үеэр шагналыг гардуулж өглөө.