Дарьгангын БЦГ-ын хамгаалалтын захиргаанаас Дарьганга, Наран, Эрдэнэцагаан сум тус бүрийн ЕБС-ийн 5,6 дугаар ангийн сурагчдаас бүрдсэн өсвөрийн байгаль хамгаалах эко клубыг байгуулах ажлыг 2018.05.07-ны өдрөөс эхлэн зохион байгуулсан. 05.10-05.11-ны өдөр клубын гишүүдийг бүртгэх ажлыг зохион байгуулаж Дарьгангын ЕБС-ийн 5,6 дугаар ангийн сурагчдаас бүрдсэн 23 гишүүнтэй клубыг амжилтай байгуулсан. Цаашид клубыг удирдан чиглүүлэх багшаар Ч.Буд ажиллаж эхлээд байна. 05.21-ны өдөр клубын гишүүд ахлагч, клубын нэр, сүлд дуу, уриа үг, хувцас жигдрэлтийн талаар ярилцаж нэг шийдвэрт хүрч чадав.
Дарьгангын ЕБС-ийн өсвөрийн байгаль хамгаалагч клуб нь цаашид "Ногоон ирээдүй" өсвөрийн байгаль хамгаалах клуб нэртэйгээр үйл ажиллагаагаа явуулахаар боллоо. "Ногоон ирээдүй" өсвөрийн байгаль хамгаалагч клубын маань 2 дох уулзалт 05.23-ны өдөр экологийн мэдлэгийг шалгах сорилт, экологийн суурь боловсрол өгөх сургалт, тангараг өгөх үйл ажиллагаагаар Дарьгангын БЦГ-ын хамгаалалтын захиргаан дээр амжилттай болж клубын гишүүн сурагчид маань идэвхитэй оролцож, тангарагаа өргөлөө." Ногоон ирээдүй"" өсвөрийн байгаль хамгаалагч эко клубын гишүүд болон туслаж дэмжсэн багш Дарьгангын ЕБС-ийн Амаржаргал, Цэрмаа, С.Базаргордоо, Ч.Буд багш нартаа баярлаж талархсанаа илэрхийлье. Цаашид туслаж дэмжиж хамтран ажиллахыг хүсэж байна. "Ногоон ирээдүй" өсвөрийн байгаль хамгаалагч эко клубын сурагчид нартаа сурлаг урлаг бүхий л зүйлд амжилт хүсэж цаашид клубынхээ үйл ажиллагаанд энэ эрчээрээ идэвхитэй оролцохыг хүсэе. Мөн Наран, Эрдэнэцагаан сумын ЕБС-ийн хамт олон 
сургуулийнхаа эко клубын үйл ажиллагааг эрчимтэй зохион байгуулахыг хүсэж байна. Баярлалаа та бүхэнд.