Зөвөлгөөнийг зохион байгуулснаар Мэргэжлийн хяналтын газрын үндсэн чиг үүрэгт хамаарагдах асуудлаар салбаруудын хууль тогтоомжид орсон өөрчлөлт, түүний хэрэгжилтийн талаар улсын байцаагч нарт мэдээлэл өгч, цаашид анхаарах асуудлаар зөвлөмж чиглэл өгч мэргэжил арга зүйн туслалцааг үзүүлсэн. Мөн зөвөлгөөний хүрээнд Мэргэжлийн хяналтын газрын ажилтнууд сумдаас оролцож байгаа улсын байцаагчдын дунд гар бөмбөгийн нөхөрсөг тэмцээн зохион байгуулж, ажил үүргийн чиглэлээр харилцан туршлага солилцлоо.
Аймгийн Мэргэжлийн хяналтын газраас 2017 онд доорхи зорилтуудыг хэрэгжүүлж ажиллахаар шийдвэрлэсэн.
-Бизнес эрхлэгчидтэй хамтран ажиллана
-Хяналт шалгалтын мэдээллийг ил тод нээлттэй болгоно
-Мэргэжлийн хяналтын байгууллагын нийгмийн үнэлэмжийг дээшлүүлнэ
-Улсын байцаагчдыг чадавхижуулна
-Хяналт шалгалтын эрх зүйн шинэчлэлийг хийнэ.
Тус зөвөлгөөөнд Дарьгангын БЦГ- ын хамгаалалтын захиргаанаас мэргэжилтэн БОХУБ Ц. Оюунгэрэл, байгаль хамгаалагч Э.Өлзийбаатар оролцсон. Улсын байцаагч нартаа оюуны хөрөнгө оруулалт хийж, мөн байцаагч нарынхаа тулгамдсан асуудал цаашдын хамтын ажиллагааны талаар санал бодлоо сонилцох боломжийг олгон зөвөлгөөнийг амжилттай зохион байгуулсан Аймгийн мэргэжилийн хяналтын газрын хамт олондоо байгууллагынхаа нэрийн өмнөөс талархал ирэлхийлье.